गीता स्वाध्याय · श्री गणेशोत्सव मंडळ, लोकमान्य आळी, ठाणे
सभासद पालक आणि पाल्यांसाठी
लोकमान्यांचे गीतारहस्य, आजच्या जीवनाचा अर्थबोध
मंडालेच्या कोठडीत लिहिलेला विचार, आता आळीच्या घराघरांत. लोकमान्य टिळकांचा गणेशोत्सव आपण दरवर्षी साजरा करतो; आता त्यांनी गीतारहस्यात मांडलेला कर्मयोगाचा विचारही पालक आणि मुले एकत्र शिकतील. ऑनलाइन, महिन्यातून एक सत्र, पुढील काही वर्षे.
श्री गणेशोत्सव मंडळ, लोकमान्य आळी, ठाणे यांची स्थापना १९२० (शके १८४२) मध्ये झाली. आजपर्यंत आपण उत्सव करत आलो.
“स्वराज्य हा माझा जन्मसिद्ध हक्क आहे” ही टिळकांची गर्जना आपल्या सगळ्यांना माहीत आहे. तो हक्क मिळवण्यामागचा जबाबदार कर्माचा विचार त्यांनी गीतारहस्यात मांडला, असे अनेक अभ्यासक मानतात. तोच विचार आता आळीच्या घरांत, पालक आणि मुलांसोबत शिकायचा आहे.
सार्वजनिक विश्वस्त निधी क्र. ए ३६ टी
आपण जो विचार शिकणार आहोत, त्याचा जन्म कसा झाला ते आधी समजून घेऊ.
गीतेचे अध्याय १८, तर गीतारहस्याची प्रकरणे १५. आपण गीतेचे अध्याय क्रमाने शिकू आणि प्रत्येक सत्रात विषयाशी जुळणारे गीतारहस्यातील निवडक उतारे पाहू.
टिळकांनी घरगुती गणपती सार्वजनिक केला, म्हणजे माणसे एकत्र यावीत, बोलावीत आणि एकत्र विचार करावा. त्या विचारांचा अभ्यास करून पालक आणि पाल्यांची एक विचारशील पिढी उभी राहावी, हा या उपक्रमाचा हेतू आहे.
उत्सव फक्त आनंदाचा नाही, तो विचाराचाही आहे.
हा उपक्रम बाहेरून कोणी येऊन घेत नाही. आपल्याच मंडळाचे दोन आजीव सभासद तो चालवणार आहेत.
श्री. विवेक भास्कर साठे · मंडळाचे आजीव सभासद
जन्मभूमी ठाणे, कर्मभूमी सिंगापूर. यांत्रिकी अभियंता (College of Engineering, पुणे), Georgia Institute of Technology, Atlanta येथून Analytics मध्ये पदव्युत्तर शिक्षण; बँकेत कार्यरत. सिंगापूरमध्ये गीता स्वाध्यायाचा अभ्यासवर्ग घेतात आणि “माझा आजचा विचार” या मराठी ब्लॉगवर लिहितात. अधिक ओळख
सौ. मानसी निखिलेश गोडबोले · मंडळाच्या आजीव सभासद
पूर्वाश्रमीच्या कु. भारती भास्कर साठे. मूळच्या ठाण्याच्या; शालेय शिक्षण शिव समर्थ विद्यालय, ठाणे. मुंबई विद्यापीठातून M.Com (Advanced Accounting). डोंबिवली येथे बारावी कॉमर्सपर्यंत सर्व विषयांची शिकवणी घेतात आणि “माझा आजचा विचार” वर लेखन करतात. अधिक ओळख
मूळ श्लोकांचा मराठी अर्थ आणि गीतारहस्यातील निवडक उतार्‍यांचे संदर्भ.
आजच्या दैनंदिन निर्णयांचा आणि कामाचा विचार करण्यासाठी एक साचा.
स्पष्टीकरण, चर्चा, प्रश्नोत्तरे आणि बहुपर्यायी परीक्षा.
गणेशोत्सवात होणार्‍या चर्चा-वादसभेची तयारी.
दर वर्षी दोन ते तीन अध्याय. वर्षभरात आठ ते दहा सत्रे, महिन्यातून एक. मोठे सण आणि शाळेच्या परीक्षा वगळून.
महिने तात्पुरते आहेत. दिवस, वेळ आणि अंतिम तारखा शाळांच्या दिनदर्शिकेनुसार Google Classroom मध्ये कळवल्या जातील.
वर्षाच्या शेवटी बहुपर्यायी प्रश्नपत्रिकेची परीक्षा होईल. किमान ७०% उपस्थिती आणि परीक्षेत किमान ७०% गुण मिळवणाऱ्या प्रत्येक सहभागीला (वडील, आई आणि पाल्य) मंडळातर्फे स्वतंत्र “लोकमान्य गीताबोध” प्रशस्तीपत्रक दिले जाईल. ते हस्तांतरणीय नाही आणि त्यावर सहभागीचा नोंदणी क्रमांक असेल.
तेच २०२७ च्या गणेशोत्सवात पहिल्या आणि दुसर्‍या अध्यायावरील चर्चा आणि वादविवाद सत्रात भाग घेतील.
सभासद पालकांनी स्वतःची आणि पाल्यांची माहिती एकदाच भरायची. त्यानंतर Google Classroom चे आमंत्रण तुमच्या gmail पत्त्यावर येईल.
आम्ही तुमचा पासवर्ड कधीही मागत नाही आणि देत नाही. तुम्ही नोंदणीत दिलेल्या gmail खात्यानेच Classroom मध्ये जायचे आहे.
वर्गाच्या लिंक नोंदणीनंतर तुमच्या ईमेलवर पाठवल्या जातात.
Classroom मध्ये वर्गाच्या “Stream” वर आणि Calendar मध्ये प्रत्येक सत्राची Zoom/Meet लिंक, वेळ आणि अभ्यास साहित्य असेल. व्हिडिओ आणि प्रश्नपत्रिकाही तेथेच.
हो. सत्रे मूळ श्लोकांच्या मराठी अर्थापासून सुरू होतात. पूर्वतयारी लागत नाही.
पाल्य वर्गाच्या वयोगटाबद्दल मंडळ आपल्याला Classroom मध्ये कळवेल. नोंदणी करताना इयत्ता नक्की लिहा.
पाल्याचा gmail रकाना रिकामा ठेवा. पालकांच्या मदतीने खाते कसे तयार करायचे किंवा दुसरा पर्याय काय, हे आम्ही तुम्हाला कळवू.
लेक्चरचे व्हिडिओ Classroom मध्ये उपलब्ध असतील. तरीही उपस्थिती बंधनकारक असल्याने अपरिहार्य कारण असल्यास पुढे मार्गदर्शकांना आधी कळवा.
बहुपर्यायी प्रश्नपत्रिका, स्वाध्याय पुस्तिकेवर आधारित. उद्देश आपण किती समजलो हे पाहणे आणि प्रशस्तीपत्रकासाठी पात्रता ठरवणे.
वडील, आई आणि पाल्य, प्रत्येकाला स्वतंत्र प्रशस्तीपत्रक मिळते. ते हस्तांतरणीय नाही. अटी: किमान ७०% उपस्थिती, परीक्षेत किमान ७०% गुण आणि मंडळाच्या सभासदत्वाची पडताळणी. प्रशस्तीपत्रकावर सहभागीचा नोंदणी क्रमांक असतो.
हो. फॉर्ममध्ये “पालक २” भरा. दोघांना स्वतंत्र क्रमांक मिळतो आणि दोघांनी स्वतःच्या gmail खात्याने पालक वर्गात सामील व्हायचे आहे.
फॉर्ममध्ये सभासद क्रमांक द्या. नोंदणीनंतर ईमेलमध्ये सांगितल्याप्रमाणे सभासदत्वाच्या पावतीचा फोटो संयोजकांना WhatsApp वर खासगी संदेशात पाठवा (ग्रुपमध्ये नको). पडताळणी झाल्यावर संयोजक ती नोंदवतात.
परीक्षा उत्तम रीतीने उत्तीर्ण झालेले पालक आणि पाल्य, पहिल्या आणि दुसर्‍या अध्यायावरील चर्चा आणि वादविवाद सत्रात.
नोंदणी पूर्ण झाल्यावर, सर्वांच्या सोयीचा विचार करून Classroom मध्ये कळवला जाईल.